जुन्या वादातून युवकावर हल्ला
बोईसर (वार्ताहर): जुन्या वादाच्या रागातून तिघांनी एका युवकावर लाकडी बांबूने हल्ला केल्याची घटना बोईसरमधील अवधनगर परिसरात घडली आहे. या प्रकरणी बोईसर पोलिस ठाण्यात गुन्हा दाखल आहे.
अवधनगर येथील सलमान स्वीट दुकानासमोर बुधवारी (ता.१) रात्री ८ च्या सुमारास ही घटना घडली. फिर्यादी सलमानसोबत माजिद अब्दुल शाह, साजिद अब्दुल शाह, त्यांच्या लहान भावाचा किरकोळ वाद झाला होता. याच रागातून आरोपींनी फिर्यादीला शिवीगाळ करत लाकडी बांबूने मारहाण केली होती. या प्रकरणी भारतीय न्याय संहिता २०२३ च्या कलम ११८ (१), ३५२, ३५१ (२), ३ (५) अंतर्गत गुन्हा दाखल आहे.