अष्टमी मुस्लिम समाज अध्यक्षपदी मोहम्मद शफी पन्सारी यांची बिनविरोध निवड
रोहा, ता. ३ (बातमीदार) ः रोहे शहरातील अष्टमी मुस्लिम समाज अध्यक्षपदी मोहम्मद शफी अल्लीमिया पन्सारी यांची पुन्हा एकदा बिनविरोध निवड करण्यात आली आहे. अष्टमी मुस्लिम समाजाचे अध्यक्ष जमीर कर्जिकर यांनी आपल्या प्रकृतीच्या कारणामुळे पदाचा राजीनामा दिल्याने बुधवारी (ता. १) अष्टमी मस्जिद हॉलमध्येही प्रक्रिया पार पडली. या बैठकीत जुनी कार्यकारणी बरखास्त करुन पुढील पाच वर्षांकरिता नवीन कार्यकारिणी गठित करण्यात आली. उपाध्यक्ष जमीर अहमद कर्जिकर व उपाध्यक्ष मुबीन उमर दळवी, खजिनदार म्हणून यासीन अल्लीमिया पानसरे, सचिवपदी समीर चोलडेकर, सहसचिवपदी इम्तियाज रोशन दर्जी तर सदस्यपदी इरफान इस्माईल दर्जी, शाहनवाज उमर नागोठकर, राहील करिम नागोठकर, अकील अ.रहीमान फौजे, साजिद शरफुद्दीन किरकिरे, मोआजम मकबूल नाडकर, सऊद अ. कादीर बंद्री, मारुफ मोआजम कबले, मुखत्यार हुसेनमिया शेटे, कासीम अजीज खलिफे, अरबाज बशीर खान यांची निवड करण्यात आली. या वेळी मुस्लिम समाजबांधव मोठ्या संख्येने उपस्थित होते.