मुरबाड, ता. ६ (वार्ताहर) : तालुक्यातील माळीपाडा गावातील न्यू इंग्लिश स्कूलमध्ये शिक्षण घेणारी नववीची विद्यार्थिनी श्रावणी माळी हिला शैक्षणिक मदतीचा हात देण्यात आला आहे.
भरत दळवी युवा विकास मंच, मुरबाड विधानसभा यांनी सामाजिक बांधिलकी जपत विद्यार्थिनीच्या शिक्षणासाठी आवश्यक मदत केली. मुरबाड येथील सामाजिक कार्यकर्ते संतोष जाधव यांनीही यामध्ये सहकार्य केले. डॉ. तेजस घुडे, रायते गावातील सुदाम भोईर आणि भरत दळवी युवा विकास मंच यांच्या माध्यमातून श्रावणीला भविष्यातही शैक्षणिक मदत करण्यात येणार असल्याची माहिती भरत दळवी यांनी दिली. गरजू व होतकरू विद्यार्थ्यांना शिक्षणासाठी प्रोत्साहन देण्याच्या उद्देशाने अशा उपक्रमांची आवश्यकता असून, समाजातील इतरांनीही पुढाकार घ्यावा, असे मत यावेळी व्यक्त करण्यात आले.