भीमनगर एकता समितीच्या अध्यक्षपदी नितीन जगताप

घाटकोपर, ता. ७ (बातमीदार) ः भारतीय संविधानाचे शिल्पकार डॉ. बाबासाहेब आंबेडकर यांच्या १३५व्या जयंतीनिमित्त यंदा घाटकोपर परिसरात विविध सामाजिक व सांस्कृतिक कार्यक्रमांचे आयोजन करण्यात येणार आहे. या पार्श्वभूमीवर अखिल भीमनगर एकता आणि उत्कर्ष समितीच्या अध्यक्षपदी नितीन जगताप यांची निवड करण्यात आली आहे. नितीन जगताप हे विविध सामाजिक संस्था व संघटनांशी सक्रियपणे जोडलेले असून, त्यांच्या निवडीमुळे समितीच्या कार्याला अधिक बळ मिळणार असल्याची भावना स्थानिक नागरिकांनी व्यक्त केली आहे. भीमनगर परिसरातील तब्बल ६० मंडळे एकत्र येऊन या अखिल भीमनगर एकता आणि उत्कर्ष समितीची स्थापना करण्यात आली आहे.