भिवंडीत शेतकरी संघटनेचे बेमुदत उपोषण
भिवंडी (वार्ताहर) : शेतकरी व महिलांच्या प्रलंबित मागण्यांसाठी शेतकरी संघटनेचे कोकण विभागीय अध्यक्ष राज पाटील यांनी भिवंडी प्रांत कार्यालयासमोर सोमवारपासून बेमुदत उपोषण सुरू केले आहे. सरकारी रुग्णालयाच्या हलगर्जीमुळे मुलीचा जन्मदाखला न मिळणे, कणेरी येथील फ्लॅटवरील अतिक्रमण, ''लाडकी बहीण'' योजनेतील भ्रष्टाचार आणि शेतकऱ्यावर दाखल झालेले खोटे गुन्हे, अशा विविध मुद्द्यांवर राज पाटील यांनी प्रशासनाला धारेवर धरले आहे. मागण्या मान्य होईपर्यंत आंदोलन सुरूच ठेवण्याचा निर्धार संघटनेने व्यक्त केला आहे.