सहा टन वजनाची काॅईल चोरीला

खालापूर, ता. ९ (बातमीदार) ः मिसिंग लिंकचे काम करत असलेल्या ठेकेदाराची सहा टन वजनाची सुमारे तीन लाख ४८ हजार रुपये किमतीच्या कॉईलचे दोन बंडल चोरीला गेल्याची घटना चावणी गावाच्या हद्दीत घडली आहे. चावणी गावाचे हद्दीत ॲफकाॅन इन्फ्रास्ट्रक्चर लिमिटेड कंपनीच्या साईटवरून बुधवारी (ता. ८) दोन काॅईलचे बंडल चोरीला गेल्याचे ठेकेदार लक्ष्मीकांत गौडा यांच्या निदर्शनास आले. या चोरीमध्ये अनेक जणांचा सहभाग असल्याची शक्यता असून गौडा यांनी अज्ञात चोरट्याविरोधात खालापूर पोलिस ठाण्यात तक्रार दिली आहे. पोलिस उपनिरीक्षक नितीन सांगळे पुढील तपास करीत आहेत.