नोकरीच्या प्रलोभनातून तरुणाची फसवणूक
तारापूर (बातमीदार)ः सुशिक्षित बेरोजगार तरुणाला सरकारी किंवा महापालिकेत नोकरी मिळवून देण्याचे खोटे आश्वासन देत हजारो रुपये उकळण्यात आले होेते. या प्रकरणात डहाणू पोलिस ठाण्यात तक्रार दाखल आहे.
डहाणू तालुक्यातील जांबुगाव (आवारपाडा) येथील रंजित हाडळ यांनी केली आहे. पदवीधर असलेले हाडळ चारचाकी वाहन चालवून उदरनिर्वाह करतात. हाडळ नोकरीच्या शोधात असताना त्यांचा संपर्क भावाच्या मामा सासऱ्यांमार्फत धामणगाव येथील व्हिक्टर पऱ्हाड यांच्याशी आला. पऱ्हाड यांनी वसई-विरार पालिकेत नोकरीला असलेल्या वरोर येथील कल्पेश जाधव यांचा मोबाईल क्रमांक देऊन संपर्क साधण्यास सांगितले. हाडळ यांनी जाधव याच्याशी संपर्क साधला असता पालिकेत वाहन भाड्याने लावून देण्याचे सांगितले. तसेच तलासरीहून वसई येथे कामगारांना ने-आण करण्याच्या नावाखाली १५ हजार रुपये मागितले होते. पण हाडळ यांनी वारंवार संपर्क साधण्याचा प्रयत्न केला. परंतु, प्रतिसाद मिळत नसल्याने अखेर तक्रार करण्यात आली.