महालक्ष्मी यात्रेतून मंगळसूत्र लंपास
कासा, ता.१० (बातमीदार)ः डहाणूतील महालक्ष्मी देवीच्या यात्रेत एका महिलेचे ७० हजारांचे मंगळसूत्र लंपास केले आहे. गर्दीचा फायदा घेत चोरट्यांनीही हात सफाईमुळे भीतीचे वातावरण आहे.
विवळवेढे येथील महालक्ष्मी देवी मंदिराच्या मुख्य प्रवेशद्वाराजवळ ही घटना घडली. सुनिता कोलेकर (रा. हरोसाळे शाळेचापाडा, ता. वाडा) कुटुंबीयांसह यात्रेसाठी आल्या होत्या. खरेदी करून परत असताना मंदिराच्या मुख्य प्रवेशद्वाराजवळ अचानक मोठी गर्दी झाली. याच गर्दीचा फायदा घेत चोरट्याने त्यांच्या गळ्यातील ५ ग्रॅम वजनाचे अंदाजे ७० हजारांचे मंगळसूत्र चोरले. या प्रकरणी कासा पोलिस ठाण्यात गुन्हा दाखल करण्यात आला असून वाढत्या गर्दीच्या पार्श्वभूमीवर भाविकांना खबरदारी घेण्याचे आवाहन पोलिसांनी केले आहे.