कल्याण (वार्ताहर) : हिंदू जागरणाला नवी ऊर्जा व दिशा देण्यासाठी; तसेच सनातन संस्कृती, धर्म आणि सामाजिक एकतेचा संदेश देण्याच्या उद्देशाने रविवारी (ता. १२ ) कल्याणमध्ये ‘हिंदू संमेलन’ होणार आहे. या संमेलनात धर्मजागरण प्रांत संयोजक राजेश कुंटे आणि राष्ट्रसेविका समिती, कोकण प्रांत सहकार्यवाहिका पद्मजा अभ्यंकर मार्गदर्शन करणार आहेत. विविध सामाजिक व सांस्कृतिक विषयांवर विचारमंथन होणार असल्याची माहिती आयोजकांनी दिली. सिद्धेश्वर आळी व परिसर वस्तीचे अध्यक्ष प्रकाश लेले यांच्या पुढाकाराने कल्याण पश्चिम येथील सुभेदार वाडा शाळेच्या मैदानात सायंकाळी ६ वाजता कार्यक्रमाला सुरुवात होणार आहे. संमेलनाला नागरिकांनी मोठ्या संख्येने उपस्थित राहावे, असे आवाहन आयोजकांनी केले आहे.