मोखाड्यात जगदंबा उत्सवाची धूम
मोखाडा (बातमीदार) : आदिवासींची संस्कृती समजल्या जाणाऱ्या जगदंबा उत्सव खोडाळ्यात रंगणार आहे. त्यासाठी खोडाळा गावात ग्रामस्थांची बैठक घेण्यात आली असून, १९ ते २२ एप्रिलदरम्यान हा उत्सव साजरा करण्यात येणार आहे. जगदंबा उत्सव समितीच्या अध्यक्षपदी उपसरपंच उमेश येलमामे यांची एकमुखाने निवड करण्यात आली. आदिवासी भागात देव- देवतांचे मुखवटे घालून जगदंबा (बोहाडा) उत्सव साजरा करण्याची शेकडो वर्षांची परंपरा आहे. या उत्सवाच्या सल्लागारपदी गावातील ज्येष्ठ नागरिक, सामाजिक कार्यकर्ते आणि विविध पक्षांतील रघुनाथ पवार, प्रल्हाद कदम, प्रफुल्ल खैरनार, डाॅ. मिठाराम कडाव, नारायण कोडीलकर, विजय येलमामे आणि एकनाथ पवार यांची निवड करण्यात आली आहे.