मुंब्र्यात रिक्षांवर झाड कोसळले
दोन रिक्षांचे नुकसान

सकाळ वृत्तसेवा

ठाणे, ता. १६ : मुंब्रा परिसरातील बाबा पाटील वाडी येथे झाड कोसळून दोन रिक्षांचे मोठे नुकसान झाल्याची घटना गुरुवारी (ता. १६) सकाळी समोर आली आहे. सुदैवाने या घटनेत कोणालाही दुखापत झाली नाही.

मुंब्र्यातील गणपती विसर्जन घाटाजवळील परिसरात पार्क केलेल्या दोन रिक्षांवर अचानक झाड कोसळल्याची माहिती स्थानिक नागरिक काशिनाथ सावंत यांनी ठाणे महापालिका आपत्ती व्यवस्थापन कक्षेला दिली. तत्काळ घटनास्थळी ठामपा अग्निशमन दलाचे जवानांनी धाव घेत. त्या जवानांनी तत्परतेने झाड कापून रस्त्याच्या एका बाजूला केले. या घटनेत राजेश यादव आणि राम किणे यांच्या मालकीच्या रिक्षांचे मोठ्या प्रमाणात नुकसान झाले आहे. दरम्यान, कोणतीही जीवितहानी न झाल्याने मोठा अनर्थ टळल्याची माहिती ठामपा आपत्ती व्यवस्थापन कक्षेने दिली.