क्रिकेटच्या मैदानात महिलांचा डंका
वसईतील स्पर्धेत ९६ खेळाडूंचा सहभाग
वसई ता.१७ (बातमीदार)ः माणिकपूरच्या ‘यंग मेन्स कॅथोलिक असोसिएशन’च्यावतीने भरवलेल्या क्रिकेट स्पर्धेत १२ संघांतून ९६ महिला खेळाडूंनी सहभाग घेतला होता. क्रीडा क्षेत्रातही महिलांना प्रोत्साहन मिळावे, या उद्देशाने ही स्पर्धा भरवण्यात आली होती.
खुल्या गटात झालेल्या या स्पर्धेत खेळाडूंनी उत्कृष्ट खेळाचे प्रदर्शन करत प्रेक्षकांची मने जिंकली. स्पर्धेत १२ वर्षीय शनाया डीमेलो ‘उदयोन्मुख खेळाडू’, सिंथिया न्युन्स सर्वोत्तम गोलंदाज’ तर रश्मी एनसिया कार्व्हालो हिला ‘सर्वोत्तम फलंदाज पुरस्काराने गौरवण्यात आले. तसेच ५ ते ११ वयोगटातील मुलींसाठी विशेष प्रदर्शनीय सामना लक्षवेधक ठरला. या उपक्रमामुळे लहान वयोगटातील मुलींमध्ये क्रीडाप्रती आवड निर्माण करण्यास मदत झाली. यंग मेन्स कॅथोलिक असोसिएशनच अध्यक्ष प्रकाश रॉड्रिग्ज, रोहन मिनेझिस, आनंद मिनेझिस, लॉरेन्स लोपीस, अॅलिस्टर कोलासो, पॉल मिनेझिस, सागर डिसिल्वा, रॉयसन आल्मेडा, शुभम डिकोस्टा, अमित वाझ, फा.अ‍ॅसिस रोड्रिग्स, फा. स्टीफन गोसाळ यांनी स्पर्धा यशस्वी होण्यासाठी मेहनत घेतली.
-------------------------
पालघरचा शार्दूल ठाकूर, वसईतील आयुष्य म्हात्रे क्रिकेट विश्वात चांगली कामगिरी करत आहेत. त्यामुळे महिलांना देखील पुढे यावे, याकरिता क्रिकेट स्पर्धा घेण्यात आली.
- सागर डिसिल्व्हा, संचालक