प्रदूषणकारी टायर कंपन्यांविरोधात रोष

विक्रमगड (बातमीदार) ः तालुक्यातील टायर जाळून प्रदूषण करणाऱ्या कंपन्यांवर कारवाई करावी, या मागणीसाठी भाजपच्या शिष्टमंडळाने बोईसर येथील महाराष्ट्र प्रदूषण नियंत्रण मंडळाकडे निवेदन दिले.
तालुक्यातील काही कंपन्यांकडून टायर जाळण्याच्या प्रक्रियेमुळे श्वसनाचे आजार, त्वचारोग तसेच इतर गंभीर आजार उद्भवण्याची शक्यता आहे. त्यामुळे या प्रकारावर तातडीने आळा घालून कंपन्यांवर कठोर कारवाई करावी, अशी भाजप शिष्टमंडळाने मागणी केली आहे. या वेळी पालघर जिल्हा परिषदेचे माजी कृषी व पशुसंवर्धन सभापती संदीप पावडे, भाजप पालघर जिल्हा उपाध्यक्ष मधुकर खुताडे, ओबीसी मोर्चा जिल्हाध्यक्ष महेश (तात्या) आळशी, भाजप विक्रमगड तालुका अध्यक्ष रवींद्र भडांगे, माजी जिल्हा परिषद सदस्य महेंद्र भोने उपस्थित होते.