कॉम्रेड चव्हाण यांचे निधन
जव्हार (बातमीदार) ः तालुक्यातील जनआंदोलनातील ठाम, लढवय्या चेहरा, अशी ओळख असलेले कॉम्रेड चव्हाण यांचे निधन झाले. त्यांच्या जाण्याने जनतेसाठी झटणारा कार्यकर्ता हरपल्याची भावना व्यक्त होत आहे. लाल बावटा चळवळीतून त्यांनी आपल्या कार्याची सुरुवात केली होती. कॉम्रेड गोदाताई परुळेकर यांच्या विचारांच्या प्रभावातून शेतकरी, आदिवासी व कामगारांच्या हक्कांसाठी अनेक लढे उभारले होते. जंगल हक्क, जमीन हक्क, वेठबिगारीविरोधात सातत्याने आवाज उठवला. आरपीआय (आठवले गट) मध्ये प्रवेश करून सामाजिक न्यायाच्या लढ्याला नवी दिशा दिली. त्यांच्या संघर्षमय कार्याची छाप जनमानसात कायम असून, एक खंबीर जननेता गमावल्याची भावना व्यक्त होत आहे.