नयनरम्य वज्रेश्वरी देवी पालखी सोहळा

वज्रेश्वरी, ता. १९ (बातमीदार) : ढोल-ताशांच्या गजरात व फटाक्यांच्या आतषबाजीत आणि गुलाल, पुष्प उधळत देवीच्या नामघोषात वज्रेश्वरी देवीची पालखी मिरवणूक मोठ्या थाटामाटात काढून वज्रेश्वरी देवी यात्रोत्सव झाला. भिवंडी तालुक्यातील वज्रेश्वरी योगिनी देवीच्या यात्रोत्सव १७ ते १९ एप्रिलदरम्यान सुरू होता. या यात्रोत्सवामध्ये गुजरात, मुंबईसह राज्यातून भाविक मोठ्या संख्येने येतात. यात्रोत्सवादरम्यान वज्रेश्वरी संस्थानचे विश्वस्त धनेश गिरी गोसावी, ग्रामसेवक तुषार पाटील व सरपंच रमेश जाधवसह येथील कर्मचाऱ्यांनी अथक परिश्रम घेतले.