महसूल शिबिराचा लाभार्थ्यांना लाभ
बोईसर (वार्ताहर) : तारापूर मंडळातील ३१ महसुली गावांसाठी छत्रपती शिवाजी महाराज महसूल समाधान शिबिराला नागरिकांचा उत्स्फूर्त प्रतिसाद मिळाला. या शिबिरातून १,१७८ लाभार्थ्यांनी विविध शासकीय सेवा, योजनांचा लाभ घेतला. कुरगाव ग्रामपंचायत येथे डॉ. होमी भाभा अणुऊर्जा सामुदायिक व बहुउद्देशीय भवन येथे मंडळ अधिकारी सुनील राठोड यांच्या नेतृत्वाखाली शिबिर घेण्यात आले होते. यावेळी आमदार राजेंद्र गावित, तहसीलदार रमेश शेंडगे, गटविकास अधिकारी संजय भाईर यांच्यासह स्थानिक पदाधिकारी, नागरिक मोठ्या संख्येने उपस्थित होते.