पालघर, ठाण्यातून संपाला पाठिंबा
पालघर, ता.२० (बातमीदार)ः महाराष्ट्र राज्य सरकारी निमसरकारी शिक्षक शिक्षकेतर कर्मचारी समन्वय समितीद्वारे २३ एप्रिल रोजी संप पुकारला आहे. या आंदोलनाला पालघर, ठाणे जिल्हा माध्यमिक शिक्षक संघाने पाठिंबा दिला आहे.
सुधारित राष्ट्रीय निवृत्तीवेतन योजनेची अंमलबजावणी करण्याबाबतची विस्तृत अधिसूचना तात्काळ जारी करावी शिक्षक शिक्षकेतर कर्मचाऱ्यांच्या सेवांतर्गत समस्यावर चर्चा करण्यासाठी व्यासपीठ उपलब्ध करून द्यावे, एक नोव्हेंबर २००० पूर्वी जे कर्मचारी अंशतः अनुदानावर नियुक्त तसेच २००५ नंतर शंभर टक्के अनुदानावर आलेल्या शिक्षक शिक्षकेतर कर्मचाऱ्यांना तसेच वस्तीशाळा शिक्षकाला जुनी पेन्शन योजना लागू करावी चतुर्थ श्रेणी कर्मचाऱ्यांची भरती वरील बंदी तात्काळ उठवावी, सेवानिवृत्तीचे वय ६० वर्षे करावे शिक्षक सेवक योजना रद्द अशा मागण्यांसाठी हा संप पुकारण्यात आला आहे. या संपात पालघर, ठाणे जिल्हा माध्यमिक शिक्षक-शिक्षकेतर कर्मचारी सहभागी होणार आहे.