नगरसेवकांना दरमहा
एक लाखाचे मानधन द्या!
मुंबई, ता. २० ः पाणीपुरवठा, स्वच्छता, रस्ते, घनकचरा आदी मुंबईकरांशी निगडित प्रश्न सोडविण्यासाठी नगरसेवक कार्यरत असतात; परंतु त्यांना मिळणाऱ्या मानधनात अनेक वर्षांपासून वाढ झालेली नाही. त्यामुळे नगरसेवकांचे मानधन दरमहा एक लाख रुपये आणि प्रवास भत्ता १५ ते २० हजार रुपये देण्यात यावा, अशी मागणी समाजवादी पक्षाने महापौरांकडे एका पत्राद्वारे केली आहे. समाजवादी पक्षाच्या नगरसेविका अमरीन अब्राहानी यांनी महापौर रितू तावडे यांना पत्र दिले आहे.