पीसीबी समूहाची
सीईटी आजपासून
मुंबई, ता. २० : औषधनिर्माणशास्त्र व कृषी शिक्षण या व्यावसायिक अभ्यासक्रमाच्या प्रवेशासाठी घेण्यात येणाऱ्या एमएचटी-सीईटी पीसीबी समूहाची पहिल्या संधीची सीईटी प्रवेश परीक्षा २१ ते २६ दरम्यान आयोजित करण्यात आली आहे. राज्यातील ३६ जिल्ह्यांतील १८९ परीक्षा केंद्रावर होणार असून, दोन्ही मिळून तीन लाख ९५ हजार ८७२ विद्यार्थी या सीईटीला बसणार आहेत.
यंदा प्रथमच पीसीबी समूहाच्या सीईटीसाठी विद्यार्थ्यांना दोन संधी दिल्या जात आहेत. पहिल्या संधीची सीईटी २१ ते २६ एप्रिलदरम्यान, तर दुसऱ्या संधीची सीईटी १० व ११ मे २०२६ रोजी होणार आहे. पहिल्या संधीसाठी दोन लाख ८४ हजार ०६३, तर दुसऱ्या संधीसाठी एक लाख ११ हजार ८०९ विद्यार्थी सीईटी प्रवेश परीक्षा देणार आहेत.
----
परीक्षेचे स्वरूप
पीसीबी समूहाची ही परीक्षा १८० मिनिटांची असून, ती दोन भागांत विभागलेली आहे. पहिली ९० मिनिटे भौतिकशास्त्र आणि रसायनशास्त्र या विषयांसाठी असतील. त्यानंतर पुढील ९० मिनिटे जीवशास्त्र या विषयासाठी असतील.