‘दधिची’ पुरस्कार जाहीर

अंबरनाथ (वार्ताहर) : नव्वदाव्या वर्षात पदार्पण केलेल्या दि एज्युकेशन सोसायटीतर्फे सामाजिक, औद्योगिक व शैक्षणिक क्षेत्रातील उल्लेखनीय कार्यासाठी दिल्या जाणाऱ्या पुरस्कारांची घोषणा करण्यात आली आहे. यंदाचा ‘दधिची’ पुरस्कार सेवा सहयोग फाउंडेशनच्या विद्यार्थी विकास योजनेचे प्रणेते रवींद्र कर्वे यांना जाहीर झाला आहे. तसेच औद्योगिक क्षेत्रातील कामगिरीसाठी उद्योजक शिरीष बेंडाळे यांना ‘अंबरनाथ भूषण’, तर शैक्षणिक क्षेत्रातील प्रदीर्घ योगदानाबद्दल डॉ. अरविंद कुलकर्णी यांना ‘आचार्योत्तम’ पुरस्कार जाहीर करण्यात आला आहे.