भिवंडी (वार्ताहर) : टोरंट पॉवर कंपनीकडून वीजचोरी करणाऱ्यांविरोधात नियमित कारवाई केली जात आहे. अशाच एका कारवाईत एक लाख ८५ हजार ७२२ रुपयांच्या वीजचोरीप्रकरणी एकाविरोधात गुन्हा दाखल केला आहे. पोलिसांनी दिलेल्या माहितीनुसार, माधवनगर परिसरातील मरहूम मुनीर अन्सारी मंझील या इमारतीमध्ये राहणारे अन्सारी जुबेर अहमद यांनी जवळ असलेल्या रोहित्रामध्ये केबल जोडून वीजमीटर बायपास करून बेकायदा वीजपुरवठा घेऊन वर्षभर सात हजार ५२६ युनिट वीज वापर केला. याप्रकरणी कंपनी प्रतिनिधींनी दिलेल्या तक्रारीवरून शांतीनगर पोलिस ठाण्यात गुन्हा नोंदवला आहे.