सैन्यभरती विषयावर मार्गदर्शनपर व्याख्यान
विरार, ता. २२ (बातमीदार) : विरारच्या विष्णू वामन ठाकूर चॅरिटेबल ट्रस्ट संचालित कै. पांडुरंग रघुनाथ पाटील उत्कर्ष माध्यमिक विद्यालय आणि कनिष्ठ महाविद्यालयाच्या सांस्कृतिक विभागाच्या वतीने ‘सैन्यभरती-इनस्पायरिंग एक्सलन्स’ या विषयावर मार्गदर्शनपर व्याख्यानाचे आयोजन करण्यात आले होते. या कार्यक्रमासाठी प्रमुख वक्ते म्हणून डॉ. महेंद्र लक्ष्मण घरत उपस्थित होते. या व्याख्यानात अकरावी आणि बारावीच्या विद्यार्थ्यांना भारतीय संरक्षण दलात करिअर करण्याच्या विविध संधींबाबत सविस्तर मार्गदर्शन करण्यात आले.