गोवंडीत धारदार शस्त्राने एकाचा खून
चेंबूर, ता. २२ (बातमीदार) ः गोवंडीतील शिवाजीनगर परिसरात धारदार शस्त्राच्या हल्ल्यात एकाचा मृत्यू झाल्याची घटना बुधवारी पहाटे चार वाजण्याच्या सुमारास घडली. याप्रकरणी शिवाजीनगर पोलिस ठाण्यात खुनाचा गुन्हा दाखल करण्यात आला आहे. आरिफ असे मृताचे नाव आहे. या घटनेत आरिफवर धारदार शस्त्राने गंभीर वार करण्यात आले. जखमी अवस्थेत त्याला राजावाडी रुग्णालयात दाखल करण्यात आले; मात्र डॉक्टरांनी त्यास मृत घोषित केले. या प्रकरणात पोलिसांनी सहा आरोपींना ताब्यात घेतले असून, पुढील तपास सुरू असल्याची माहिती शिवाजीनगर पोलिसांनी दिली.