अंबरनाथ, ता. २३ (वार्ताहर) : पूर्वेतील वर्दळीच्या परिसरात भरदिवसा दुचाकीवरून आलेल्या दोन अज्ञातांनी एका ज्येष्ठ नागरिकाची रोकड हिसकावून पलायन केले. या घटनेने खळबळ उडाली असून नागरिकांमध्ये भीतीचे वातावरण निर्माण झाले आहे. वसंत बाबूराव कदम (वय ७३) हे मंगळवारी (ता. २१) सकाळी साडेअकराच्या सुमारास हॉटेलसमोरून जाताना दुचाकीवरून आलेल्या दोन व्यक्तींनी त्यांना अडवले. दुचाकीमागे बसलेल्या व्यक्तीने क्षणार्धात कदम यांच्या जवळील एक लाख पाच हजार रुपयांची पिशवीत ठेवलेली रोकड हिसकावत पोबारा केला. याप्रकरणी शिवाजीनगर पोलिस ठाण्यात दोन अज्ञातांविरुद्ध गुन्हा दाखल केला असून पोलिसांकडून शोध सुरू आहे.