चांदिवलीतील प्रलंबित प्रश्‍न मार्गी लावा!
आमदार दिलीप लांडे-आयुक्तांमध्ये चर्चा
घाटकोपर, ता. २४ (बातमीदार) ः चांदिवली विधानसभा क्षेत्रातील विविध नागरी समस्यांबाबत शिवसेना आमदार दिलीप लांडे यांनी मुंबई महापालिका आयुक्त अश्विनी भिडे यांची सदिच्छा भेट घेतली. या भेटीदरम्यान परिसरातील मूलभूत सुविधा, प्रलंबित विकासकामे आणि पायाभूत सोयीसुविधांबाबत सखोल चर्चा करण्यात आली.
चांदिवली परिसरात नागरिकांना अधिक सुरक्षित, स्वच्छ आणि सुविधासंपन्न वातावरण मिळावे, यासाठी आवश्यक उपाययोजनांवर दोघांमध्ये सकारात्मक संवाद झाला. तसेच सुरू असलेल्या विकासकामांना गती देण्याबाबतही या वेळी विशेष भर देण्यात आला. आमदार लांडे यांनी आपल्या मतदारसंघातील विविध प्रलंबित प्रश्न लवकरात लवकर मार्गी लावण्यासाठी प्रशासनाने सहकार्य करावे, अशी अपेक्षा व्यक्त केली.