ठाणे ,ता. २७ : मुंब्रा परिसरात फर्निचर कामासाठी बोलावलेल्या सुतारांनी विश्वासघात करत घरातील महागडे मशिनरी व साहित्य चोरून नेल्याचा प्रकार समोर आला आहे. एकूण एक लाखाचा ऐवज चोरल्याप्रकरणी तिघांविरोधात मुंब्रा पोलिस ठाण्यात गुन्हा दाखल करण्यात आला आहे.

मुंब्रा येथे राहणारे तक्रारदार सैझी इक्बाल अहमद सैफी (वय २९) यांचे शिळफाटा येथे हार्डवेअरचे दुकान आहे. घरातील फर्निचरचे काम करण्यासाठी त्यांनी सप्टेंबर २०२५ मध्ये ओळखीच्या माध्यमातून कल्याणफाटा येथून तार फैजान हसन, फहाद हसन आणि हमाद हसन यांना काम दिले होते. सुरुवातीला त्यांनी काम सुरू केले; मात्र काही दिवसांतच हे तिघे अचानक काम अधांतरी सोडून निघून गेले. यानंतर त्यांनी तपासणी केली असता, त्यांच्या दुकानासाठी आणलेली नवीन मशिनरी व साहित्य गायब असल्याचे लक्षात आले. संबंधितांशी संपर्क करण्याचा प्रयत्न केला असता त्यांनी फोन उचलला नाही. त्यामुळे त्यांनीच चोरी केल्याची खात्री झाल्यावर त्यांनी तक्रार दाखल केली आहे.