अल्पवयीन मुलीवर अत्याचार
नवी मुंबई, ता. २८ (वार्ताहर) : महापे एमआयडीसी परिसरातील तरुणाने लग्नाचे भूलथापा देऊन एका अल्पवयीन मुलीवर वारंवार अत्याचार केल्याची धक्कादायक घटना उघडकीस आली आहे. दशरथ दत्तू पवार (२०) असे तरुणाचे नाव असून, रबाळे एमआयडीसी पोलिसांनी त्याच्या विरोधात गुन्हा दाखल करून त्याचा शोध सुरू केला आहे. दशरथ दत्तू पवार हा झोपडपट्टीत राहण्यास आहे. पीडित मुलगी दोन वेळा गर्भवती राहिली असून, तिला आरोपीपासून एक मुलगीदेखील झाली आहे. आरोपीचे पूर्वी एका मुलीशी संबंध असल्याचे समोर आले आहे. पोलिस पुढील तपास करीत आहेत.