विजेच्या धक्क्याने जनावरांचा मृत्यू
डोंगस्ते गावातील घटना

वाडा, ता. ६ (बातमीदार) ः दगड खाणीतील पाण्यातील विजेच्या प्रवाहाशी संपर्कात आल्याने तीन जनावरांचा मृत्यू झाला आहे. डोंगस्ते गावच्या हद्दीत बुधवार (ता. ६) दुपारी ही घटना घडली.
डोंगस्तेचे शेतकरी विठ्ठल भोईर सकाळी जनावरे चरण्यासाठी जंगलात घेऊन गेले होते. जनावरे चारा खाऊन झाल्यानंतर पाणी पिण्यासाठी खदाण परिसरात गेली होती. या वेळी काही जनावरे पाण्यात उतरली असता विद्युत वाहिनीच्या संपर्कात आली. या प्रकारामुळे दगड खाण परिसरात सुरक्षेच्या अनुषंगाने उपाययोजना करण्याची तसेच शेतकऱ्याला नुकसानभरपाई देण्याची मागणी ग्रामस्थांनी केली आहे.