‘सिटी एम अँड ए’ विभागाच्या प्रमुखपदी राठी यांची नियुक्ती

मुंबई, ता. ६ ः ‘सिटी इंडिया’ कंपनीने भारतात आपल्या मर्जर्स अँड ॲक्विजिशन्स (एम अँड ए) विभागाचे प्रमुख म्हणून राज राठी यांची नियुक्ती केली आहे. कंपनीचा भारतातील ‘इन्व्हेस्टमेंट बँकिंग’ व्यवसाय एका महत्त्वाच्या टप्प्यावर असताना राज राठी कंपनीत रुजू होत आहेत, ही महत्त्वाची बाब असल्याचे कंपनीने म्हटले आहे. राठी यांचा कार्यकाळ जून २०२६ पासून सुरू होईल. त्यांचे कार्यालय मुंबईत असेल आणि त्यांच्याकडे डिजिटल इन्फ्रास्ट्रक्चर, इलेक्ट्रॉनिक मॅन्युफॅक्चरिंग सर्व्हिसेस आणि काही निवडक बीटूबी कॉमर्स कंपन्यांच्या क्षेत्राची जबाबदारीदेखील असेल. इन्व्हेस्टमेंट बँकिंग, एम अँड ए आणि गुंतवणूक सल्लागार क्षेत्रातील १५ वर्षांहून अधिक काळाचा अनुभव असलेले राठी यापूर्वी ‘ड्रीम स्पोर्टस’मध्ये ‘स्ट्रॅटेजी आणि कॉर्पोरेट डेव्हलपमेंट’ प्रमुख म्हणून कार्यरत होते.