बंगालमधील महायुतीच्या यशाबद्दल आमदार दिलीप लांडे यांची महाआरती

घाटकोपर, ता. ७ (बातमीदार) ः पश्चिम बंगालच्या विधानसभा निवडणुकीत भाजप महायुतीला मिळालेल्या यशाबद्दल आमदार दिलीप लांडे यांच्या नेतृत्वाखाली शिवसेना चांदिवली विधानसभेतर्फे महाआरतीचे आयोजन करण्यात आले होते. सत्ता स्थापन करण्यासाठी पश्चिम बंगालमध्ये भाजपकडे एकहाती बहुमत आहे. पश्चिम बंगालच्या या यशाबद्दल आमदार दिलीप लांडे यांच्या मार्गदर्शनाखाली कुर्ला काजूपाडा येथील श्री गणेश मंदिरात महाआरतीचे आयोजन करण्यात आले होते. महाआरतीनंतर लांडे मामा यांनी प्रसाद वाटून आनंद साजरा केला. या वेळी शिवसेना शाखाप्रमुख सुशील जाधव, शैलेश निंबाळकर, प्रदीप बंड आदी स्थानिक रहिवासी उपस्थित होते.