विनयभंगप्रकरणी कराटे प्रशिक्षकाला अटक
कल्याण, ता. ८ (वार्ताहर) : कराटे प्रशिक्षकाने एका नऊ वर्षांच्या विद्यार्थिनीचा विनयभंग केल्याचा आरोप आहे. ही घटना महात्मा फुले पोलिस ठाण्याच्या हद्दीत घडली असून, पोलिसांनी त्याला अटक केली आहे. पोलिसांनी दिलेल्या माहितीनुसार गिरीश वाघमारे असे त्याचे नाव आहे. ही घटना उघडकीस आल्यानंतर मुलीच्या कुटुंबीयांनी पोलिसांत तक्रार दाखल केली. महात्मा फुले पोलिसांनी आरोपीला ताब्यात घेत त्याच्यावर गुन्हा दाखल केला आहे. तर शिवसेना (ठाकरे) पक्षाने या प्रकरणाची सुनावणी जलदगती न्यायालयात व्हावी आणि आरोपीला कठोर शिक्षा द्यावी, अशी मागणी केली आहे.