कोएसो लिटिलच्या निधीला ९४.२० टक्के गुण

पेण, ता. १० (वार्ताहर) : नुकताच ऑनलाइन पद्धतीने जाहीर झालेल्या दहावीच्या निकालात पेण एज्युकेशन सोसायटीच्या लिटिल एंजस स्कूलचा ९८.६३ टक्के लागला असून, येथील विद्यार्थिनी निधी प्रसाद अडसूळे हिने ९४.२० टक्के गुण मिळवून तिसरा क्रमांक पटकावला आहे. तसेच तिची बहीण विधी अडसुळेला ८८.४० टक्के गुण मिळाले आहेत. या शाळेने मागील अनेक वर्षे दहावीच्या निकालाची परंपरा कायम ठेवत याही वर्षी या शाळेचा निकाल चांगला लावल्याने शाळेतील मुख्याध्यापक, शिक्षक, शिक्षकेतर कर्मचारी यांनी उत्तीर्ण विद्यार्थ्यांचे अभिनंदन केले आहे. या यशाबद्दल बोलताना विधी आणि निधी यांनी सांगितले की, आमचे दिवंगत आजोबा चंद्रकांत अडसुळे यांनी सातत्याने आम्हाला शिक्षणाच्या दृष्टिकोनातून प्रेरणा दिली असून, शाळेतील शिक्षकांचे लाखमोलाचे मार्गदर्शन लाभल्याने आम्ही सातत्याने अभ्यास करत राहिलो. त्यामुळेच आत्ताचे यश संपादन करता आले.