राहुल गांधी यांच्या वाढदिवसानिमित्त समाजाभिमुख उपक्रम

पनवेल, ता. २२ (बातमीदार) ः काँग्रेस नेते राहुल गांधी यांच्या वाढदिवसानिमित्त पनवेल शहर जिल्हा काँग्रेस कमिटीच्या वतीने समाजोपयोगी उपक्रमांचे आयोजन केले होते. शील आश्रम येथे ५०० अनाथ मुले आणि निराधार व्यक्तींना स्नेहभोजन देण्यात आले. या वेळी आश्रमातील मुलांसमवेत वाढदिवसाचा केक कापून आनंद साजरा करण्यात आला. या कार्यक्रमास जिल्हाध्यक्ष डॉ. श्रुती श्याम म्हात्रे, झिशान सिद्दिकी, कार्याध्यक्ष शशिकला सिंग, उपाध्यक्ष चेतन म्हात्रे, युवक काँग्रेस सरचिटणीस प्रितेश साहू, उपाध्यक्ष अभिजित मुंडकल, लतीफ नलकांडे, अजय कापरे, शंभू म्हात्रे, जोश जेम्स, मुनावर देशमुख, अरविंद सोनटक्के, आरती ठाकूर, सोनिया सोहोटा, बबन कांबळे, शैलेश म्हात्रे, एकनाथ ठोंबरे, स्नेहा मोटे, हेमंत खैरे, विशाल घोगावकर आदी मान्यवर उपस्थित होते.