निवासी शाळेत प्रवेशासाठी अर्ज करण्याचे आवाहन
मुंबई : २०२६-२७ या शैक्षणिक वर्षासाठी अनुसूचित जमातीच्या विद्यार्थ्यांनी नामांकित इंग्रजी माध्यमांच्या शाळेमध्ये प्रवेशासाठी ६ जुलै २०२६ पर्यंत अर्ज करावेत, असे आवाहन एकात्मिक आदिवासी विकास प्रकल्प अधिकारी, मुंबई यांनी केले आहे. या योजनेच्या माध्यमातून विद्यार्थ्यांना इयत्ता १ ली व इयत्ता २ री मध्ये प्रवेश दिला जातो. एकात्मिक आदिवासी विकास प्रकल्प, मुंबई यांच्या कार्यक्षेत्रात येणाऱ्या गावे व पाडे येथील अनुसूचित जमातीच्या विद्यार्थ्यांना या प्रवेशासाठी ६ जुलै २०२६ पर्यंत एकात्मिक आदिवासी विकास प्रकल्प अधिकारी, मुंबई यांच्या कार्यालयात अर्ज करता येतील.