पुणे महापालिकेत कनिष्ठ अभियंता, वरिष्ठ अभियंता आणि उपायुक्तपदावर नोकरी लावण्याचे आमिष दाखवून तरुणाची १५ लाख रुपयांची फसवणूक करण्यात आली. या प्रकरणी धायरीतील ३५ वर्षीय तरुणाने दिलेल्या तक्रारीनंतर पर्वती पोलिसांनी संशयिताला अटक केली. संशयिताने आपण क्रीडा अधीक्षक म्हणून कार्यरत असल्याचे आणि मंत्रालयात चांगली ओळख असल्याची बतावणी केली. शिवानंद बाळासाहेब पाटील (वय ४५, रा. आनंद कॉलनी, कर्वेनगर, कमिन्स कॉलेजजवळ) असे गुन्हा दाखल झालेल्या आरोपीचे नाव आहे.
