वसई, ता. २३ (बातमीदार) : नालासोपारा येथील ए. के. पाटील एज्युकेशन ट्रस्टच्या राजीव गांधी विद्यालय इंग्रजी व मराठी माध्यम येथे आंतरराष्ट्रीय योग दिन साजरा करण्यात आला. विद्यार्थीदशेत असणाऱ्या मुलांना योग साधनेची सवय लागावी. एकाग्रता, सुदृढ आरोग्य लाभावे, यासाठी योग दिन उपक्रमाचे आयोजन करण्यात आले होते.

या वेळी ए. के. एज्युकेशन ट्रस्टच्या अध्यक्षा सीमा पाटील यांनी विद्यार्थ्यांना मार्गदर्शन केले. याप्रसंगी क्रीडा शिक्षक अक्षय काप यांनी सत्राचे संचालन केले. या वेळी अध्यक्षा सीमा पाटील, सचिव स्मिता पाटील यांच्यासह विद्यार्थी आणि शिक्षकांनी उत्साहाने सहभाग घेतला. शरीर आणि मन हे योग साधनेमुळे ताजेतवाने राहते. विद्यार्थ्यांसपासून ते सर्वसामान्य नागरिकांनी योग केला पाहिजे, जेणेकरून आपले आरोग्य उत्तम राहण्यासाठी मदत होईल, असे या वेळी सचिव स्मिता पाटील यांनी सांगितले.