संदीप नाईक यांच्या जनसंवादला उत्स्फूर्त प्रतिसाद
वाशी (बातमीदार) ः नवी मुंबईकरांच्या शासकीय व प्रशासकीय स्तरावरील समस्यांचा तत्काळ निपटारा करण्यासाठी माजी आमदार संदीप नाईक यांच्या वतीने सुरू केलेल्या जनसंवाद कार्यक्रमाला नागरिकांचा प्रचंड प्रतिसाद मिळत आहे. बेलापूर येथील त्यांच्या मुख्य जनसंपर्क कार्यालयामध्ये सोमवारी (ता. २२) विशेष जनसंवाद कार्यक्रमात शेकडो नागरिकांनी उपस्थित राहून आपल्या विविध अडचणी मांडल्या. सर्व नागरिकांच्या समस्या जाणून घेऊन त्या प्रशासनपर्यंत पोहोचल्या पाहिजे, त्यांचे विषय सोडविले गेले पाहिजे, अशी भूमिका संदीप नाईक यांनी सांगितली आहे. जनसंवाद कार्यक्रमांचे सर्वसामन्य नागरिकांकडून कौतुक करण्यात येत आहे.