उल्हासनगरात मोहरममूळे
पाणीपुरवठ्यात बदल
शुक्रवारी रात्रीपासून ते रविवार रात्रीपर्यंत पाणी बंद

उल्हासनगर, ता. २३ (बातमीदार) ः महापालिकेच्या पाणीपुरवठा विभागाने उल्हासनगरात मोहरममूळे पाणीपुरवठ्याच्या वेळेत बदल केला आहे. त्यानुसार, बुधवार ते शुक्रवार पाणी सुरू राहणार असून, शुक्रवारी (ता. २६) रात्री १२ वाजल्यापासून ते रविवारी (ता. २८) रात्री १२ वाजेपर्यंत पाणी बंद राहणार असल्याची माहिती जनसंपर्क अधिकारी अजय साबळे यांनी दिली.
महापालिकेने एमआयडीसीच्या बारवी, जांभूळ व शहाड जलशुद्धीकरण केंद्र येथून होणारा पाणीपुरवठा बुधवारी (ता. २४) रात्री १२.०० वाजल्यापासून ते शुक्रवारी (ता. २६) रात्री १२.०० वाजेपर्यंत बंद राहणार असल्याबाबत पूर्व सूचना दिली होती. मात्र, शुक्रवारी (ता. २६) रोजी मोहरम सण असल्याने या आठवड्यातील पाणीकपातीच्या वेळापत्रकात बदल करण्यात आलेला आहे. त्यानुसार जांभूळ व शहाड जलशुद्धीकरण केंद्रातून होणारा पाणीपुरवठा शुक्रवारी (ता. २६) रात्री १२ वाजल्यापासून ते रविवारी (ता. २८) रात्री १२ वाजेपर्यंत बंद राहणार आहे.