ड्रोन बनविणे, उडविण्याची विशेष कार्यशाळा
पुणे, ता. २६ : विद्यार्थ्यांमधील सुप्त गुणांना वाव मिळावा, त्यांच्यातील कल्पकतेला चालना मिळावी, या उद्देशाने ‘सकाळ माध्यम समूह’च्या कौशल्य प्रशिक्षण संस्था ‘एसआयआयएलसी’तर्फे ड्रोन बनविणे आणि उडविण्याची दोन दिवसांची आगळीवेगळी कार्यशाळा १० आणि ११ मे रोजी आयोजित केली आहे.
कार्यशाळेत सात ते १६ वर्ष वयोगटातील विद्यार्थी सहभागी होऊ शकतात. कार्यशाळेतून विद्यार्थ्यांना इंडस्ट्री ४.० ड्रोन तंत्रज्ञानाची ओळख होईल. तसेच ते स्वतःचा ड्रोन बनविण्याचा आणि उडविण्याचा अनुभव व आनंद घेऊ शकतील. २१व्या शतकातील अत्यावश्यक कौशल्ये, सर्जनशीलता, टेक्नॉलॉजीची समज आणि समस्या सोडविण्याची कलाही त्यांना अवगत होईल. विद्यार्थ्यांना पूर्व अनुभवाची गरज नाही. केवळ उत्सुकता आणि थोडी कल्पकता पुरेशी आहे. जागा मर्यादित असल्याने आगाऊ नोंदणी करणाऱ्यांना प्राधान्य दिले जाईल. अधिक माहिती व नावनोंदणीसाठी संपर्क : ८४८४८११५४४ किंवा क्यूआर कोड स्कॅन करावा.

काय शिकणार?
- ड्रोनचा वापर कुठे व कसा होतो?
- ड्रोनचे भाग व रचना ओळख
- ड्रोन किट तयार करणे
- स्वतःचा ड्रोन बनविणे
- सिम्युलेशन, ड्रोन पायलट ट्रेनिंग
- खऱ्या ड्रोनसह उड्डाणाचा अनुभव

कधी, कुठे, केव्हा?
कधी : शनिवार (ता. १० मे) व रविवार (ता. ११ मे)
कुठे : सकाळ मीडिया सेंटर, सकाळ नगर, बाणेर रस्ता, पुणे.
केव्हा : सकाळी ११ ते दुपारी ४