मुलांसाठी खास ‘ड्रोन मेकिंग आणि फ्लाइंग’ कार्यशाळा
उन्हाळ्याच्या सुट्ट्यांमध्ये मुलांना केवळ मनोरंजनच नव्हे, तर नवकल्पना आणि तंत्रज्ञानाचा थरार अनुभवू देणारी सात ते १६ वयोगटांतील मुलांसाठीची ड्रोन मेकिंग आणि फ्लाइंग कार्यशाळा १० व ११ मे रोजी आयोजिली आहे. कार्यशाळेत कोणताही पूर्वानुभव आवश्यक नाही; फक्त तंत्रज्ञानाबद्दल उत्सुकता आणि कल्पकता पुरेशी आहे. यामध्ये मुलांना ड्रोन टेक्नॉलॉजीची प्राथमिक माहिती, ड्रोनचे भाग आणि रचना याबाबत माहिती तसेच विशेष प्रॅक्टिस किटद्वारे स्वतःचा ड्रोन तयार करण्याची संधी मिळणार आहे. विशेष म्हणजे, व्हर्च्युअल वातावरणात प्रत्यक्ष ड्रोन उड्डाणाचा सराव घेतला जाणार आहे. ही कार्यशाळा मुलांच्या वैज्ञानिक दृष्टिकोनाला चालना देणारी, त्यांना नवतंत्रज्ञानाशी परिचित करून देणारी ठरणार आहे. सुट्टीत काहीतरी हटके आणि शैक्षणिक अनुभव द्यायचा असेल, तर ही कार्यशाळा एक उत्तम संधी ठरू शकते.
संपर्क : ८४८४८११५४४

बांधकाम पर्यवेक्षक प्रशिक्षण
स्थापत्य अभियांत्रिकीची कोणतीही पार्श्वभूमी नसलेली व्यक्ती योग्य प्रशिक्षणानंतर बांधकाम उद्योगात आपला व्यवसाय सुरू करू शकते, अथवा करिअर घडवू शकते. या पार्श्वभूमीवर वीस दिवसांचे प्रगत बांधकाम पर्यवेक्षक (कन्स्ट्रक्शन सुपरवायझर) प्रशिक्षण १० मेपासून सुरू होत आहे. यामध्ये बांधकाम उद्योगात नोकरी मिळण्याची शक्यता वाढवणारे, स्थापत्य अभियांत्रिकीचे प्रगत ज्ञान देणारे, प्रात्यक्षिकावर आधारित प्रशिक्षण देण्यात येणार आहे. बांधकाम क्षेत्राचा परिचय, बांधकाम साहित्याचा परिचय, रेखाचित्राचे वाचन व प्रत्यक्ष साइटवर त्याचा सराव, क्षेत्रभेटी, प्रकल्प पूर्वतयारी, कंत्राटदाराच्या कामाची पद्धत, अंदाज व खर्च नियोजन, बांधकाम उद्योगातील १४ महत्त्वाच्या पायऱ्या, सुरक्षिततेसाठी घ्यायची खबरदारी व वेळेचे व्यवस्थापन इत्यादी विषयांवर मार्गदर्शन होणार आहे.
संपर्क : ८४८४८२२१६६

‘महारेरा’ परीक्षेसाठी अर्ज करण्याची मुदत १४ मे
‘महारेरा’ सक्षमता प्रमाणपत्र सर्व स्थावर संपदा अभिकर्ते आणि बांधकाम क्षेत्रातील विकसकांकडे स्थावर संपदा व्यवहार करणाऱ्या कर्मचाऱ्यांना अनिवार्य झाले आहे. यासाठी ‘महारेरा’ मान्यताप्राप्त संस्थेमार्फत होणारे २० तासांचे प्रशिक्षण पूर्ण करणे व ‘आयबीपीएस’तर्फे होणारी परीक्षा उत्तीर्ण होणे आवश्यक आहे. या परीक्षेसाठी अर्ज करण्याचे पोर्टल १५ एप्रिल रोजी चालू झाले आहे. १४ मे रोजी हे पोर्टल बंद होणार असल्याने त्यापूर्वी एजंटचे प्रशिक्षण पूर्ण झालेले असणे आवश्यक आहे. पोर्टल बंद होण्यापूर्वीचे पुढील प्रशिक्षण १२ मे रोजी सुरू होणार आहे. डिसेंबर २०२४ नंतर २०२५ या वर्षात प्रथमच पोर्टल खुले झाले असून पुढे लवकर पोर्टल खुले होण्याची शक्यता कमी असल्याने प्रशिक्षण पूर्ण करून परीक्षेस सामोरे जाण्याची ही शेवटची संधी आहे.
संपर्क : ८४८४८२२८५५

पटकथा लेखन (स्क्रिप्ट रायटिंग) कार्यशाळा
चित्रपट क्षेत्रात यशस्वी होण्यासाठी लेखक, दिग्दर्शक, निर्माते आणि कलावंतांना पटकथा लेखनाविषयीची माहिती असणे गरजेचे असते. एखाद्या संकल्पनेवरून चित्रपटाची निर्मिती करण्यासाठी व्यक्तिरेखांकन, कथा, पटकथा आणि संवाद लेखन यांचे तंत्र अवगत असणे आवश्यक आहे. चित्रपट उद्योगक्षेत्रात उत्तम पटकथा लेखकांची खूप मागणी आहे. या पार्श्वभूमीवर दोनदिवसीय ऑनलाइन कार्यशाळा १७ व १८ मे रोजी आयोजिली आहे. यामध्ये पटकथा लेखनाची प्रक्रिया व त्यात कृत्रिम बुद्धिमत्तेचा वापर आदींबाबत सविस्तर मार्गदर्शन होणार आहे.
संपर्क : ८४८४८११५४४