मुरूड तालुक्यात एक लाखांची चोरी
बोर्ली-मांडला येथे घरफोडी; अनोळखी इसमाविरुद्ध गुन्हा दाखल
रेवदंडा, ता. ३० (बातमीदार) : मुरूड तालुक्यातील बोर्ली-मांडला येथे एका घरातून एक लाख रुपयांची रोकड चोरीला गेल्याची घटना उघडकीस आली आहे. याप्रकरणी रचिता कोटकर (वय ५९) यांनी रेवदंडा पोलीस ठाण्यात तक्रार दाखल केली आहे.
२५ ते २७ तारखेच्या दरम्यान अज्ञात व्यक्तीने त्यांच्या घरात प्रवेश करून पर्समध्ये ठेवलेली एक लाख रुपयांची रक्कम चोरून नेली. हा प्रकार लक्षात येताच कोटकर यांनी तात्काळ पोलिसांत धाव घेतली. या प्रकरणी पोलिसांनी अनोळखी इसमाविरुद्ध भारतीय न्याय संहिता कलम ३०५ व ३०५(अ) अन्वये गुन्हा दाखल केला आहे. पुढील तपास रेवदंडा पोलीस करत आहेत.