ठाणे : ठाण्यातून कल्याणच्या दिशेकडे चाललेल्या अनोळखी ट्रकमधील चिखल रस्त्यावर पडल्याने गुरुवारी दुपारी बारा- सव्वा बारा वाजण्याच्या सुमारास मुंबई नाशिक महामार्ग (Mumbai-nashik Highway) काही मिनिटांसाठी रोखला (mud on road) गेला. प्रादेशिक आपत्ती व्यवस्थापन विभागाने रस्त्यावर पडलेल्या चिखलावर पाण्याचा मारा करून तो चिखल रोडच्या बाजूला केल्यानंतर मुंबई-नाशिक महामार्गावरील वाहतूक पूर्वपदावर (traffic jam issue solved) आल्याची माहिती आपत्ती विभागाने दिली.

मुंबई-नाशिक महामार्गावरील साकेत पुलाजवळ गुरुवारी दुपारी १२.१० वाजण्याच्या सुमारास अज्ञात ट्रकमधून चिखल पडल्याची माहिती मिळताच प्रादेशिक आपत्ती व्यवस्थापन, अग्निशमन दल आणि वाहतूक पोलिसांनी घटनास्थळी धाव घेत, पण पडलेल्या चिखलाचा परिणाम वाहतुकी वर होऊ लागल्याने तातडीने तो चिखल रस्त्याच्या एका बाजूला करण्याचे काम हाती घेतले.

त्या पडलेल्या चिखलावरती अग्निशमन दलाच्या रेस्क्यु वाहनातील होज पाईपच्या मदतीने पाण्याचा मारा करून चिखल रोडच्या बाजूला केला आहे . त्यानंतर वाहतुक पूर्वपदावर आली. या घटनेत कोणतीही जीवितहानी किंवा, कोणालाही दुखापत झाली नसल्याची माहिती आपत्ती व्यवस्थापन विभागाने दिली.