मुंबई : मुंबई पोलीस दलात फेरबदल करण्यात आलेले आहेत. बदल्या, पदोन्नती याबाबतचे आदेश मुंबई पोलिस आयुक्तांनी आदेश 10 जून रोजी काढले आहेत.या आदेशानुसार मुंबई पोलीस दलात कार्यरत असलेल्या 28 वरिष्ठ पोलिस निरीक्षकांना थेट सहाय्यक पोलीस आयुक्त पदी बडती देण्यात आली आहे.

तर मुंबई पोलिसांतील 6 सहाय्यक पोलिस आयुक्तांची बदली करण्यात आली आहे. मुंबई शहरातील 65 पोलिस ठाण्यातील वरीष्ठ पोलिस निरीक्षकांच्या बदल्या देखील करण्यात आले आहेत.

एकूण 65 वरिष्ठ पोलिस अधिकाऱ्यांच्या नेमणुकीत 43 पोलिस निरीक्षकांना पदोन्नती देण्यात आलेली आहे. यामुळे मागील अनेक काळापासून रखडून पडलेल्या पदोन्नतीचा प्रश्न अखेर सुटला आहे. मुंबईतील अनेक पोलीस स्थानकात नवे पोलीस निरीक्षक कार्यभार स्वीकारणार आहेत.