मुंबईतील गोरेगाव फिल्मसिटीतल एका टीव्ही मालिकेच्या सेटला भीषण आग लागल्याची घटना समोर आली आहे. या आगीतून काही कलाकारांना सुखरूप बाहेर काढण्यात आले आहे. मात्र अद्यापही काही कलाकार या आगीत आडकल्याची भीती व्यक्त होत आहे.

गोरेगाव फिल्मसिटीत चित्रपट आणि टीव्ही मालिकांचं चित्रीकरण सुरू असतं. यादरम्यान येथे वापरण्यात येणाऱ्या गॅस सिलेंडरमुळे टीव्ही मालिकेच्या लाकडी सेटला आग लागली. या आगीत संपूर्ण सेट जळून खाक झाला. घटनेची माहिती मिळताच मुंबई अग्निशामक दलाच्या ४ गाड्या घटनास्थळी दाखल झाल्या आणि आगीवर नियंत्रण मिळवण्यासाठी प्रयत्न सुरू आहेत.