ठाणे : कोपरी पूर्व पारशीवाडी येथील दीप्ती या तळ अधिक 12 मजली या इमारतीच्या छतावरील पत्र्याची शेड बाजूच्या आडके चाळ आणि दत्तकृपा चाळ या दोन चाळींमधील 12 घरांवर सोमवारी सांयकाळी पावणेसहा वाजण्याच्या सुमारास पडली. दरम्यान या घटनेत त्या चाळीतील योगेश चाळके (32) हे जखमी झाले असून त्यांच्या पायाला 09 टक्के घालण्यात आले आहे. तसेच त्यांच्या खासगी रुग्णालयात उपचारार्थ दाखल केले आहे.

या घटनेची माहिती मिळताच घटनास्थळी उपायुक्त शंकर पाटोळे यांच्यासह बांधकाम विभागाचे कनिष्ठ अभियंता, आपत्ती व्यवस्थापन कक्षाचे कर्मचारी यांनी धाव घेतली. तसेच घटनास्थळी घरांवर पडलेली पत्र्याची लोखंडी शेड बांधकाम विभागाच्या कर्मचाऱ्यांकडून व अतिक्रमण विभागाच्या कर्मचाऱ्यांच्या मदतीने बाजूला करण्यात आले असून त्या 12 घरांचे पत्रे फुटून मोठ्या प्रमाणात नुकसान झाले आहे. अशी माहिती आपत्ती व्यवस्थापन कक्षाच्या अधिकाऱ्यांनी दिली.