मुंबई : दरवर्षी पाऊस येतो आणि दरवर्षी मुंबई तुंबते.. एकीकडे मुंबई तुंबली, की चाकरमाने आणि प्रवाशांचे हालही ठरलेलेच! आणि त्यानंतर रस्त्यावर असलेल्यांचा त्रागा सुरू असताना सोशल मीडियावरून नेहमीप्रमाणेच मिम्सही तयार झाले. 

मोसमातील पहिल्याच पावसाने मुंबईला जोरदार दणका दिला. संपूर्ण महिन्यात मुंबई पावसाची प्रतीक्षा करत होती. मुंबई शहर आणि उपनगर परिसरात सकाळपासून जोरदार पावसाला सुरवात झाली. दिवसभर मुसळधार पावसाचा अंदाज वेधशाळेने व्यक्त केला आहे. मुंबई शहरासह पालघर, भिवंडी, ठाणे, दादर, कल्याण, माहीम, कुर्ला, घाटकोपर, साकिनाका मालाड, अंधेरी येथे सखोल भागात पाणी भरण्यास सुरवात झाली आहे. 

सोशल मीडियावरील युझर्सने मात्र कल्पक मिम्स करत या मोसमातील पहिल्या पावसाचा मिश्‍किलपणे आनंद लुटला.