मुंबादेवी : दक्षिण मुंबईत (South mumbai) आज बुधवार (ता.9 ) रोजी दोन अज्ञात व्यक्तींचे मृतदेह सापडल्याने (Unknown people death) खळबळ उडाली आहे. मलबार हिल आणि गिरगाव चौपाटी (girgaon beach) परिसरात हे मृतदेह सापडले. याप्रकरणी पोलिस तपास सुरु आहे. गिरगाव चौपाटीवर रात्री 2.30 वाजताच्या दरम्यान एक मृतदेह सापडला. मयत व्यक्तीचे वय 50 वर्षाच्या आसपास असल्याचे सांगण्यात आले आहे. तर मलबार हिल भागात सकाळी 8.30 च्या दरम्यान प्रियदर्शनी पार्क परिसराच्या मागच्या बाजूने दुसरा मृतदेह आढळला.

या दोन्ही मृतदेहासंदर्भात पोलिस तपास सुरु असल्याची माहिती पोलिसांनी दिलीय .या दोन्ही मृत्युमध्ये काही समान धागा आहे का ? याप्रकरणी चौकशी सुरु आहे. असंही पोलिसांनी सांगितलं आहे. या संदर्भात डीबी मार्ग पोलिस ठाण्याचे वरिष्ठ पोलिस निरीक्षक प्रदीप खुडे यांनी मृतदेहाबाबत तपास सुरु असल्याचं सांगितलं.