मुंबई

गोरेगावमध्ये दोन गोदामांना आग

सकाळ वृत्तसेवा

मुंबई : गोरेगावमधील उद्योगनगर येथे शनिवारी सकाळी व्यावसायिक इमारतीमधील दोन गोदामांना भीषण आग लागली. आग विझवण्याच्या प्रयत्नात अग्निशमन दलाच्या दोन कर्मचाऱ्यांना श्‍वसनाचा त्रास झाला. 

गोरेगाव पश्‍चिमेकडील उद्योगनगर इंडस्ट्रियल इस्टेटमधील भूखंड क्र. 7 वर तळमजला अधिक तीन मजली इमारतीमध्ये शनिवारी सकाळी 7.15 वाजण्याच्या सुमारास आग लागली. इमारतीच्या दुसऱ्या मजल्यावर रासायनिक आणि फार्मास्युटिकल उत्पादनांचा साठा होता. त्यामुळे मोठ्या प्रमाणात धूर पसरला. 

अग्निशमन दलातील जवानांनी आठ बंब, सहा जम्बो टॅंकर, एक टॅंकर, दोन क्‍यूआरव्ही, एक टीटीएल व दोन बीव्ही व्हॅन यांच्या मदतीने सायंकाळी 5 वाजण्याच्या सुमारास आगीवर नियंत्रण मिळवले. 

आगीमुळे इमारतीच्या काही तुळया (बीम) आणि खांब (कॉलम) कोसळले. काही खांब कोसळण्याच्या स्थितीत आहेत. त्यामुळे ही इमारत सील केली जाण्याची शक्‍यता आहे. 
आग विझवत असताना अग्निशमन केंद्र अधिकारी वैभवकांत दरीपकर (38) व मनोज चव्हाण (30) यांना धुरामुळे गुदमरल्यासारखे वाटू लागले. त्यांना तातडीने ट्रॉमा केअर रुग्णालयात दाखल करण्यात आले. प्रथमोपचारानंतर त्यांना सोडण्यात आल्याची माहिती महापालिका नियंत्रण कक्षाने दिली. 

सहा स्फोटांमुळे भडका 
आगीचे नेमके कारण अद्याप स्पष्ट झालेले नाही. या ठिकाणी ज्वलनशील साहित्याचा मोठा साठा होता. त्यामुळे सहा स्फोट झाल्याने आग आणखी भडकली. या इमारतीत आगप्रतिबंधक यंत्रणा होती का, याची तपासणी केली जाईल. त्यानंतर पुढील कारवाई होईल, असे अग्निशमन दलाच्या अधिकाऱ्यांनी सांगितले. 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Stock Market Closing: शेअर बाजार लाल रंगात; सेन्सेक्स-निफ्टी मोठ्या घसरणीसह बंद, कोणते शेअर्स वाढले?

Sanjay Shirsat: अंबादास दानवेंनी लावलेली आग अन् फडणवीसांनी केलेला गेम, संजय शिरसाट कसे फसले?

Beed Baby News: मृत घोषित केलेलं बाळ रात्रभर दुर्लक्षित; दुसऱ्या दिवशी बॅगमध्ये टाकून नेलं, कुदळ सापडेना म्हणून झाला उशीर अन्...

तेजश्री प्रधानच्या झी मराठीवर दिसण्यावर स्टार प्रवाहच्या सतीश राजवाडेंची थेट प्रतिक्रिया; म्हणाले, 'ती नायिका आधी...

IND vs ENG 3rd Test: जो रूटचे विक्रमी शतक! भारतासमोर मजबूत भिंतीसारखा राहिलाय उभा; राहुल द्रविड, स्टीव्ह स्मिथचा विक्रम मोडला

SCROLL FOR NEXT