मुंबई : मनी लँड्रिंगप्रकरणी राष्ट्रवादीचे नेते आणि अल्पसंख्यांक मंत्री नवाब मलिक यांना ईडीने अटक केली असून, त्यांना न्यायालयात हजर करण्यात आले आहे. दरम्यान, ईडीला मलिकांविरोधात प्रथम दर्शनी पुरावा काय आहे हे न्यायालयाला पटवून द्यावे लागेल. त्यानंतर मलिक यांना न्यायालयीन कोठडी द्यायची की ईडी कस्टडी द्यायची याबाबत निर्णय घेतला जाणार असून, सरकारी वकील उज्वल निकम (Ujwal Nikam) यांनी निकम यांच्या जामिनाबाबत वक्तव्य केले आहे. (Nawab Malik Latest News In Marathi )

ईडीने (ED) मलिकांविरोधात नेमका कोणत्या प्रकारचे पुरावे गोळा केले आहेत त्यावरून मलिक यांना कोणती कोठडी (ED Custody) सुनवायची यावर निर्णय घेण्यात येईल. जर मलिक यांना न्यायालयीन कस्टडी (Judicial custody) सुनावण्यात आली तर, मलिक यांचा जामिनाचा मार्ग मोकळा होऊ शकेल, असे सरकारी वकील उज्वल निकम यांनी म्हटले आहे. मात्र, जर ईडी कस्टडी सुनावण्यात आल्यास मलिक यांना काही दिवसांसाठी ईडी कस्टडीमध्ये काढावे लागू शकते असे देखील निकम यांनी स्पष्ट केले आहे. त्यामुळे न्यायालय मलिक यांना नेमकी कोणती कस्टडी सुनावते हे पाहणे महत्त्वाचे ठरणार आहे.