उल्हासनगरच्या हिललाईन पोलीस ठाण्यात शिंदे गटाचे शहरप्रमुख महेश गायकवाड यांच्यावर गोळीबार केल्याप्रकरणी भाजपा आमदार गणपत गायकवाड यांच्या सह चार आरोपीना उल्हासनगर प्रथम वर्ग न्यायालयाने न्यायालयीन कोठडी सुनावली आहे . आज सकाळी या पाचही आरोपींना न्यायालयात हजर करण्यात आले होते

भाजप आमदार गणपत गायकवाड यांना न्यायलयीन कोठडी ठोठावण्यात आली आहे. आज त्यांना उल्हासनगर चोपडा कोर्टात हजर करण्यात आले होते. त्यानंतर न्यायालयाने हे आदेश दिले आहेत. गायकवाड यांनी महेश गायकवाड यांच्यावर पोलिस ठाण्यातच गोळीबार केला होता. याप्रकरणी आमदार गायकवाड, त्यांचा चालक रणजीत यादव, अंगरक्षक हर्षल हर्षल केणे, विक्की गनात्रा, संदीप सरवणकर यांचा सहभाग असल्याचे समोर आले आहे. त्यामुळे आज बुधवारी त्यांना उल्हासनगर न्यायालयात हजर करण्यात आले होते..

भाजप आमदार गणपत गायकवाड यांच्यासह ५ जणांना १४ दिवसांची न्यायालयीन कोठडी सुनावण्यात आली आहे. त्यांना आज सकाळी उल्हासनगर न्यायालयात हजर करण्यात आलं होतं.

या पार्श्वभूमीवर कायदा आणि सुव्यवस्थेच्या दृष्टीने प्रकरण संवेदनशील असल्याने ठाणे पोलीस आयुक्तालतून यासंबंधी आदेश काढण्यात आले होते. यावेळी उल्हासनगर न्यायालय परिसरात मोठा पोलीस बंदोबस्त तैनात करण्यात आला होता. त्याशिवाय कोर्टात येणारे जाणारे मार्ग 200 मीटर लांबपर्यंत बंद करण्यात येणार आहेत. तर या भागांमध्ये १कलम १४४ लागू करण्यात आले होते.

उल्हासनगर न्यायालयात दोन्ही बाजूचे युक्तिवाद ऐकल्यानंतर न्यायाधीश निकम यांनी गायकवाड व इतर आरोपींना 14 दिवसांची न्यायालयीन कोठडी सुनावली. तर, गणपत गायकवाड यांचा मुलगा वैभव हा अद्यापही फरार आहे. पोलिस त्याचा शोध घेत आहेत.

दरम्यान, कोर्टाचे कामकाज सकाळी 11 वाजल्यानंतर सुरू होते. मात्र, आज गायकवाड यांच्या सुनावणीसाठी आज सकाळी 9 वाजता कोर्टाचे कामकाज सुरू करण्यात आले होते. सुरक्षेच्या हेतूने गायकवाड यांना आज पहाटेच न्यायलयात आणण्यात आलं होतं.